O'zbekiston Respublikasi Prezidenti "Xalqaro shartnomalarga qo'shilish to'g'risida"gi qarorni imzoladi.

Kun.uz хабарига кура, 2015 йил 27 апрель куни Ўзбекистон Республикаси Президенти Ислом Каримов “Халқаро шартномаларга кўшилиш тўғрисида”ги қарорни имзолади. Мазкур қарор билан 2012 йил 11 октябрда Дохада имзоланган Халқаро почта иттифоқининг умумий регламентига, Халқаро почта конвенциясига, Халқаро почта конвенциясининг якуний баённомасига ва почта пуллик хизматлари бўйича келишувга Ўзбекистон  Республикаси қўшилди.
Халқаро почта конвенциясининг 38-моддасига асосан конвенцияни имзолаган давлат Халқаро почта иттифоқи Халқаро бюроси бош директорига белгиланган тартибда хабарнома жўнатади.
Ўзбекистон Республикасининг мазкур халқаро ҳужжатларга қўшилиши мамлакатимизда почта хизматининг янада самарали фаолият юритиши учун ҳуқуқий пойдевор бўлиб хизмат қилади.
Халқаро почта иттифоқи 1874 йилда қабул қилинган Берн шартномаси асосида тузилган. 1948 йилда БМТнинг махсус идорасига айланди. Халқаро почта иттифоқига 2012 йилги ҳолатга кўра 192 та давлат аъзо. Ўзбекистон Республикаси 1994 йил 24 февралда Халқаро почта иттифоқи аъзоси бўлди.